Ekki eins og Brangelina

Leikkonan Amber Heard segir að ljósmyndarar muni aldrei ná myndum af henni og kærastanum, Johnny Depp, að spóka sig saman í Hollywood því þau vilja ekki verða eins og Angelina Jolie og Brad Pitt, sem einu nafni eru kölluð Brangelina af slúðurpressunni ytra.

„Þetta er ekki það sem ég vil gera. Ég vil vera listamaður en ekki einhver stjarna. Það er alveg hægt að finna myndir af mér að setja bensín á bílinn, sækja fötin í hreinsun eða úti að labba með hundinn, en það er ekki hægt að finna myndir af mér í stjörnufansi á skemmtistað,“ sagði leikkonan í viðtali við tímaritið Flare á dögunum.

Kærustuparið leiddist hönd í hönd á frumsýningu nýjustu myndar Johnny Depp, The Lone Ranger, og sagði Amber að þetta hefðu þau bara gert við þetta sérstaka tilefni.