Bílar

Porsche 911 Turbo S frumsýndur

Finnur Thorlacius skrifar
Porsche 911 Turbo S
Porsche 911 Turbo S
Haft hefur verið á orði að sannleikurinn sé oft lygilegastur. Ef tekið er mið af skrifum helstu bílablaðamanna heims má heimfæra það uppá nýjasta kynslóðina af Porsche 911 Turbo S.

Þeir taka svo djúpt í árinni að fullyrða að hér sé á ferðinni besti fjöldaframleiddi sportbíll sem nokkurntíma hefur verið framleiddur, hvorki meira né minna.

Þegar haft er í huga að þetta er öflugasti framleiðslubíll Porsche, með 560 hestöfl undir húddinu eða réttara sagt í skottinu eins og Porsche 911 er þekktur fyrir, og er 3,1 sekúndu uppí hundraðið, hafa þeir örugglega mikið til síns máls.

Enn á ný setur Porsche ný viðmið sem aðrir bílaframleiðendur horfa til.  Bílabúð Benna, umboðsaðili Porsche á Íslandi, var að fá gripinn í hús til sín og frumsýnir hann í Porsche salnum, Vagnhöfða 23, laugardaginn 2.nóvember.

ZAllir bílaáhugamenn eru velkomnir milli kl. 12:00 og 16:00 enda ekki á hverjum degi sem við sjáum slíka bíla hér á landi.

Mest lesið




×

Mest lesið