Áttunda plata Britney Spears á að heita Britney Jean

Britney Spears hefur tilkynnt nafnið á áttundu plötunni sinni, sem væntanleg er frá poppstjörnunni innan tíðar. 

Platan kemur til með að heita Britney Jean, sem er nafn söngkonunnar, og er væntanleg þann þriðja desember. Hún segir ástæðuna að baki nafni plötunnar vera að platan eigi að vera persónuleg, og fjölskylda hennar kalli hana Britney Jean. Því vilji hún deila með aðdáendum sínum.

Hún hefur áður gefið út plötu sem hún skírir eftir sér, en það var platan Britney sem kom út árið 2001.