Nýtt myndband frá Pearl Jam

Rokkararnir í Pearl Jam hafa sent frá sér nýtt tónlistarmyndband við lagið Sirens. Það er annað lagið sem fer í loftið af plötunni Lightning Bolt sem kemur út í næsta mánuði.

Fyrsta smáskífulagið, Mind Your Manners, kom út fyrr í sumar.

Lightning Bolt verður tíunda hljóðversplata Pearl Jam og kemur hún í verslanir 14. október.

Stór tónleikaferð um Norður-Ameríku er fyrirhuguð til að fylgja henni eftir og verða lokatónleikarnir í heimaborginni Seattle, 6. desember.