Bannaður á hverfispöbbnum

Stórleikarinn Sean Bean hefur verið bannaður á hverfispöbbnum sínum í Norður-London fyrir að láta illa á staðnum.

Sean var sagt að hann væri ekki lengur velkominn á kránni The Washington eftir að hann lenti í orðaskaki við nokkra bargesti um daginn. Er Sean þekktur fyrir að drekka ótæpilega en fer þó sjaldnast yfir strikið eins og hann gerði í þessari tilteknu heimsókn.

Svo virðist sem Sean ætti jafnvel að halda sig frá börunum því hann var stunginn fyrir utan bar í Camden fyrir tveimur árum.

Dragðu Tarotspil dagsins hér.