Fagnað á fyrstu frumsýningu eftir brjóstaaðgerð

Leikkonan Angelina Jolie stal svo sannarlega senunni í gær þegar hún mætti á frumsýningu myndarinnar World War Z í London. Er þetta fyrsti opinberi viðburðurinn sem hún mætir á síðan hún afhjúpaði að hún hefði látið fjarlægja bæði brjóst sín fyrr á árinu.

Angelina klæddist sérsaumuðum kjól frá Saint Laurent og var stórglæsileg eins og vanalega við hlið eiginmanns síns Brad Pitt sem leikur aðalhlutverkið í World War Z.

Fjöldi fólks var mættur á Leicester-torg til að fylgjast með fræga fólkinu á rauða dreglinum og hrópuðu fjölmargir hvatningarorð til Angelinu er hún stillti sér upp fyrir ljósmyndara.

Dragðu Tarotspil dagsins hér.