Stórt tap í fyrsta leik

Hólmfríður Magnúsdóttir skoraði mark Avaldsnes sem steinlá á útivelli gegn Lilleström í fyrstu umferð norsku úrvalsdeildarinnar í knattspyrnu í dag.

Leikurinn var sögulegur fyrir þær sakir að Avaldsnes leikur meðal þeirra bestu í fyrsta skipti. Gestirnir vilja þó líklega gleyma leiknum sem fyrst.

Guðbjörg Gunnarsdóttir, Þórunn Helga Jónsdóttir og Mist Edvardsdóttir voru í byrjunarliðinu ásamt Hólmfríði sem minnkaði muninn í 4-1 seint í leiknum. Markið er að sjálfsögðu það fyrsta sem Avaldsnes skorar í efstu deild.