Skúli Jón enn í frystikistunni

Skúli Jón Friðgeirsson var ónotaður varamaður þegar að Elfsborg vann 3-1 útisigur á Öster í sænsku úrvalsdeildinni í dag.

Skúli Jón hefur ekki verið í náðinni hjá þjálfara Elfsborg og ekki enn komið við sögu í deildarleik það sem af er tímabili.

Elfsborg er í fjórða sæti sænsku deildarinnar með tíu stig eftir sex leiki.

Ari Freyr Skúlason var í byrjunarliði Sundsvall sem gerði markalaust jafntefli við Degerfors í sænsku B-deildinni. Jón Guðni Fjóluson var ónotaður varamaður.

Sundsvall er í ellefta sæti B-deildarinnar með fjögur stig eftir jafn marga leiki.