Sextán heimasigrar í röð hjá Denver

Það fóru aðeins þrír leikir fram í NBA-deildinni í nótt. Mesta spennan var í leik Denver og Philadelphia þar sem Denver tryggði sér nauman eins stigs sigur.

Það var Corey Bewer sem skoraði úr tveimur vítaskotum undir lokin en hann skoraði alls 29 stig í leiknum. Þar af síðustu sex stig leiksins.

Þetta var mikilvægur sigur fyrir Nuggets sem er nú búið að vinna 16 heimaleiki í röð.

Damien Wilkins skoraði 24 stig fyrir Sixers og Jrue Holiday skoraði 18 og gaf 15 stoðsendingar.

Úrslit:

Chicago-Portland 89-99

Denver-Philadelphia 101-100

Sacramento-Minnesota 101-98