Pique: Við erum í toppformi

Það efuðust margir um Barcelona eftir nokkra slaka leiki í febrúar. Liðið er komið aftur á beinu brautina og varnarmaðurinn Gerard Pique segir liðið vera í toppformi.

"Við erum að fara af stað í lokasprettinn í algjöru toppformi. Við vitum hvernig fótboltinn virkar. Eina vikuna erum við besta lið heims og þá næsta það lélegasta," sagði Pique.

"Við setjum ákveðnar kröfur á okkur og erum slakir. Þetta lið hefur mikla reynslu og kann að klára erfiða leiki. Leikurinn gegn Rayo var alls ekki auðveldur."

Barcelona er með 13 stiga forskot í spænsku úrvalsdeildinni.