Wall og Aldridge bestu leikmenn vikunnar í NBA

John Wall, bakvörður Washington Wizards, og LaMarcus Aldridge, framherji Portland Trail Blazers, voru valdir bestu leikmenn vikunnar 11. mars til 17. mars í NBA-deildinni í körfubolta, Wall í Austurdeildinni en Aldridge í Vesturdeildinni.

John Wall hjálpaði Washington Wizards að vinna 3 af 4 leikjum vikunnar en hann var með

24,0 stig, 11,0 stoðsendingar, 5,5 fráköst og 2,5 stolna bolta að meðaltali í leik.

LaMarcus Aldridge hjálpaði Portland Trail Blazers að vinna 2 af 3 leikjum vikunnar en hann var með 27,0 stig, 10,7 fráköst, 3,0 stoðsendingar og 3,0 varin skot að meðaltali í leik. Það skoraði enginn meira að meðaltali í leik í deildinni í vikunni en Aldridge.

Aðrir sem komu til greina sem bestu leikmenn vikunnar voru Al Horford hjá Atlanta, Kosta Koufos hjá Denver, LeBron James og Dwyane Wade hjá Miami, Ricky Rubio hjá Minnesota, Kevin Durant og Russell Westbrook hjá Oklahoma City og Tim Duncan hjá San Antonio.