Vilja Vulkan sem nafn á nýfundnu tungli við Plútó

Nafnið Vulkan kemur helst til greina sem heitið á öðru af tveimur litlum tunglum sem nýlega fundust á braut um Plútó.

Skoðanakönnun hefur staðið yfir um nafn á þessum tunglum á vegum Seti stofnunarinnar í Kaliforníu. Af þeim 300.000 manns sem tekið hafa þátt í könnuninni vilja yfir 100.000 að annað tunglið heiti Vulkan. Sem stendur ber tunglið nafnið P4.

Þetta ætti að gleðja Star Trek aðdáendur enda kemur nafnið þaðan. Plánetan Vulkan er heimkynni Spock einnar af lylkilpersónunum í Star Trek þáttunum og kvikmyndunum.