Fann frábæra lausn fyrir viðkvæma húð

Ísabella Leifsdóttir söngkona opnar myndlistarsýningu sem ber yfirskriftina Ó þá fögru steina, á Forréttabarnum við Mýrargötu á morgun, laugardag. Lífið spurði söngkonuna út í heilsuvörurnar sem hún getur ekki verið án og sýninguna hennar sem opnar klukkan 20:00.

"Ég sýni þar súrelísk portret sem ég hef málað með akríl á striga. Sýningin mun hanga uppi fram yfir Hönnnunarmars. Hægt er að sjá sýnishorn af verkum mínum á síðu minni á Facebook sem heitir La Diva Rosa," segir Ísabella áður en talið berst að heilsunni.

Sóley

"Ég er með mjög viðkvæma og erfiða húð en er nýfarin að nota kremið Eygló frá Sóleyju og það er frábært. Ég nota það bæði morgna og kvölds.

Lýsi

"Á morgnana elda ég mér alltaf graut, annað hvort hafra- eða bygggraut og þá tek ég Heilsutvennu frá Lýsi. Ég hef svo óbilandi trú á íslenska lýsinu að ég tók til dæmis með mér birgðir af því til Berlínar í haust. Ég gat ekki hugsað mér að vera án þess."

Kort í World Class

"Þetta er kannski ekki „heilsuvara" en ég hef ofurtrú á því að aðal vítamínsprautan sé hreyfing. Ég og systa förum saman í ræktina og hvetjum hverja aðra áfram."

Járn, B-Stress og fólinsýra

"Ég tek síðan járn, því eins og flestir sem ekki borða rautt kjöt þá vantar mig það og ég tek B-stress frá Heilsu með járninu þar sem það hjálpar við upptökuna á því. Svo tek ég fólinsýru og veit eiginlega ekki hvers vegna, heldur hlýði bara lækninum sem segir að allar konur á mínum aldri eigi að taka hana."

Magnesíum(Náttúruleg slökun frá Natural Vitality)

"Á kvöldin drekk ég magnesíum, en það róar taugarnar og hjálpar mér að sofa."

Myndlistarsýning Ísabellu sem heitir La Diva Rosa (Facebook).