Schwimmwagen fór allt

Mest framleiddi lands- og láðarbíll í heimi.

Smíðaðir voru 14.265 Schwimmwagen bílar í seinna stríðinu fyrir þýska herinn, 163 þeirra eru enn til og aðeins 13 í upprunanlegu ástandi.

Þessi söfnunargripur er um margt óvenjulegur bíll og orðinn mjög fágætur, en kaupandi hans þarf að punga út að lágmarki 185.000 dollurum til að krækja í hann á uppboði sem brátt fer fram á bílnum í Connecticut. Það sést glögglega á bílnum er hann smíðaður til óvenjulegra nota, en Scwimmwagen er, eins og nafnið bendir til, bíll sem kemst áfram í vatni og flýtur eins og bátur.

Hann er með utanborðsmótor sem fella má niður ef farið er um vatn og þá virka framhjólin sem stýri eins og á föstu undirlagi. Hann er alveg sléttur að neðan sem bátur en mjög háfættur. Í honum er 25 hestafla fjögurra strokka línuvél með 4 gíra kassa og fjórhjóladrifi sem virkaði í fyrsta gír og bakkgír, en fór af í hærri gírum.

Schwimmwagen var framleiddur af Volkswagen á árunum 1942-44 og er sá bíll sem framleiddur hefur verið í flestum eintökum af lands- og láðarbílum. Eins og sést á myndinni er áföst byssa framan á bílnum. Pústkerfið er fyrir ofan skottið því ekki getur það verið neðarlega á bíl sem ferðast í vatni.