Snoturt poppsamstarf

Upphaflega voru þrjár stelpur í sveitinni, en nú er eftir tvær, hin íslenska Guðbjörg (Bubba) og My Larsdotter frá Svíþjóð.

Þær hafa spilað nokkuð víða og gefið út nokkrar plötur, sú nýjasta er fimm laga og heitir Wild & You. Auk þeirra Guðbjargar og My koma tveir aðrir hljóðfæraleikarar við sögu, Tangerine-tvíburarnir, en þeir hafa spilað töluvert með hljómsveitinni.

Tónlistin á Wild & You er ofurljúft og snoturt kassagítarpopp með kántríáhrifum. Hljómurinn er fínn og lagasmíðarnar eru ágætar. Umbúðirnar eru líka flottar, platan kemur í brúnu umslagi með gati í miðjunni, en innan í því er röndóttur bréfpoki sem hýsir sjálfa geislaplötuna. Umslagið er fallegt eins og tónlistin og vefsíðan Mybubbaandmi.com.

Á heildina litið er þetta ágætis plata, en tónlistin er samt ekki nógu afgerandi til hreyfa verulega við manni. Það vantar sérstöðu.

Trausti Júlíusson