Pitsur með kolkrabba og jógúrt 13. september 2012 14:30 Þorleifur Jónsson býður upp á hátt í eitt hundrað áleggstegundir á staðnum sínum. fréttablaðið/gva „Þetta eru tæplega eitt hundrað áleggstegundir. Þú getur fengið nánast hvað sem er, til dæmis kolkrabba, snigla, kalkún og jógúrt," segir Þorleifur Jónsson, eða Tolli, eigandi pitsustaðarins La Luna við Rauðarárstíg. Þar hefur hann undanfarið rekið ítalskan veitingastað með pastaréttum í bland við pitsur. Núna hefur Tolli ákveðið að einbeita sér að pitsunum og er hann þegar búinn að segja kokkinum sínum upp. Framandi áleggstegundir verða í boði sem Tolli hefur verið að þróa áfram síðan hann seldi Eldsmiðjuna fyrir fimm árum eftir að hafa átt staðinn í þrettán ár og gert hann landsþekktan. „Ég hef alltaf verið svolítið á undan minni samtíð með þetta," segir hann um áleggstegundirnar og bætir við að kominn hafi verið tími á breytingar. „Aðsóknin í pitsuna varð alltaf meiri og meiri og svo fengum við verðlaun í Grapevine fyrir bestu pitsuna. Í dag vantar svona stað fyrir fullorðið fólk." Tolli samdi á sínum tíma við kaupendur Eldsmiðjunnar um að halda sig fjarri veitingabransanum í fimm ár. Núna eru þau liðin og Tolli ætlar að koma sterkur til baka. Líklegt er að nýi matseðillinn verði kynntur á mánudaginn. Að sögn Tolla verður sú nýbreytni í boði að viðskiptavinir geta pantað pitsur til sín út í bíl. Einnig er líklegt að hægt verði að fá heimsenda þá fáu pastarétti sem verða í boði. En hvernig smakkast eiginlega kolkrabbapitsa? „Hún er bara allt í lagi. En hún er öðruvísi og það eru ekki margir sem myndu vilja hana." -fb Matur Mest lesið Sonur Fóstbróður slær í gegn: „Ég er fastur þarna núna, orðinn háður“ Lífið „Kristrún Frostadóttir frá... Finnlandi?“ Lífið Þeir fátæku borga brúsann Gagnrýni Björgvin Franz brotinn en slær í gegn í Ladda og ræktinni Lífið Lamaðist og missti sjón en fann styrk í sjálfri sér Lífið „Mjög fallegt“ hús og „fullfrágengin“ lóð Lífið Fyrstur til að skíða niður Everest án súrefnis Lífið Selja íbúð í Vesturbænum: „Við eigum of mörg börn til að búa í henni áfram“ Lífið „Það sýður miklu frekar upp úr við uppvaskið“ Lífið Elli Egils hélt að Elli Egils væri grín Lífið Fleiri fréttir Próteinríkt avókadó-salat að hætti Önnu Eiríks Ungt fólk setur vínbændur í erfiða stöðu Sjá meira
„Þetta eru tæplega eitt hundrað áleggstegundir. Þú getur fengið nánast hvað sem er, til dæmis kolkrabba, snigla, kalkún og jógúrt," segir Þorleifur Jónsson, eða Tolli, eigandi pitsustaðarins La Luna við Rauðarárstíg. Þar hefur hann undanfarið rekið ítalskan veitingastað með pastaréttum í bland við pitsur. Núna hefur Tolli ákveðið að einbeita sér að pitsunum og er hann þegar búinn að segja kokkinum sínum upp. Framandi áleggstegundir verða í boði sem Tolli hefur verið að þróa áfram síðan hann seldi Eldsmiðjuna fyrir fimm árum eftir að hafa átt staðinn í þrettán ár og gert hann landsþekktan. „Ég hef alltaf verið svolítið á undan minni samtíð með þetta," segir hann um áleggstegundirnar og bætir við að kominn hafi verið tími á breytingar. „Aðsóknin í pitsuna varð alltaf meiri og meiri og svo fengum við verðlaun í Grapevine fyrir bestu pitsuna. Í dag vantar svona stað fyrir fullorðið fólk." Tolli samdi á sínum tíma við kaupendur Eldsmiðjunnar um að halda sig fjarri veitingabransanum í fimm ár. Núna eru þau liðin og Tolli ætlar að koma sterkur til baka. Líklegt er að nýi matseðillinn verði kynntur á mánudaginn. Að sögn Tolla verður sú nýbreytni í boði að viðskiptavinir geta pantað pitsur til sín út í bíl. Einnig er líklegt að hægt verði að fá heimsenda þá fáu pastarétti sem verða í boði. En hvernig smakkast eiginlega kolkrabbapitsa? „Hún er bara allt í lagi. En hún er öðruvísi og það eru ekki margir sem myndu vilja hana." -fb
Matur Mest lesið Sonur Fóstbróður slær í gegn: „Ég er fastur þarna núna, orðinn háður“ Lífið „Kristrún Frostadóttir frá... Finnlandi?“ Lífið Þeir fátæku borga brúsann Gagnrýni Björgvin Franz brotinn en slær í gegn í Ladda og ræktinni Lífið Lamaðist og missti sjón en fann styrk í sjálfri sér Lífið „Mjög fallegt“ hús og „fullfrágengin“ lóð Lífið Fyrstur til að skíða niður Everest án súrefnis Lífið Selja íbúð í Vesturbænum: „Við eigum of mörg börn til að búa í henni áfram“ Lífið „Það sýður miklu frekar upp úr við uppvaskið“ Lífið Elli Egils hélt að Elli Egils væri grín Lífið Fleiri fréttir Próteinríkt avókadó-salat að hætti Önnu Eiríks Ungt fólk setur vínbændur í erfiða stöðu Sjá meira