Syngur aftur með Cave

Söngkonan Kylie Minogue hefur tekið upp nýja útgáfu af dúetti sínum með Nick Cave, Where the Wild Roses Grow.

Lagið kom upphaflega út á plötu Cave, Murder Ballads, árið 1995. Nýja útgáfan verður á plötu Minogue sem kemur út í lok október þar sem hún nýtur aðstoðar strengjasveitar. Cave mætti í hljóðver og tók upp sönginn sinn aftur fyrir Minogue.

Sextán lög verða á plötunni, allt smellir sem hún hefur gefið út á 25 ára ferli sínum á borð við I Should Be So Lucky og Better the Devil You Know. Eitt áður óútgefið lag er á plötunni, eða Flower.