Einsamall í Cannes

Leikarinn Brad Pitt mætti einn síns liðs á rauða dregilinn í Cannes í vikunni. Unnusta hans Angelina Jolie var fjarri góðu gamni sökum vinnu að sögn miðla vestan hafs sem einnig höfðu orð á því hversu illa Pitt tæki sig út á rauða dreglinum einsamall. Parið er einmitt í sviðsljósinu þessa stundina því búist er við að þau gangi í það heilaga í sumar en mikil leynd er yfir stað og stund brúðkaupsins.

Pitt er á kvikmyndahátíðinni í Cannes til að kynna mynd sína Killing Them Softly en hann bæði leikur í og framleiðir myndina. Í myndinni leika einnig Ray Liotta, Sam Shepard og James Gandolfini.