Hilmar til Berlínar

Leikarinn Hilmar Guðjónsson fer á Kvikmyndahátíðina í Berlín um næstu helgi þar sem hann tekur þátt í verkefninu Shooting Stars á kvikmyndahátíðinni.

Hilmar er einn af tíu upprennandi leikurum í Evrópu sem eru boðaðir á viðburðinn og var hann sérstaklega valinn vegna frammistöðu sinnar í bíómyndinni Á annan veg undir leikstjórn Hafsteins Sigurðssonar. Hilmar er einnig tilnefndur til Edduverðlaunanna fyrir leik sinn í myndinni en Á annan veg er tilnefnd til ellefu verðlauna á hátíðinni í ár. -áp