Útreiðartúr með Dorrit

Breski viðskiptablaðamaðurinn Richard Quest, sem er áhorfendum CNN að góðu kunnur, hefur dvalið á Íslandi síðustu daga. Tilgangur komu hans hingað er að taka upp innslag fyrir þáttinn Business Traveller sem búast má við að verði sýnt á CNN á næstunni.

Meðal viðkomustaða sem Quest hefur heimsótt eru Eyjafjallajökull og Höfði en þar að auki fór hann í útreiðartúr með engri annarri en Dorrit Moussaieff forsetafrú. Þá hefur Quest að eigin sögn hrifist af norðurljósunum auk þess sem magnkaup flugvallargesta á Keflavíkurflugvelli á áfengi vöktu athygli hans.

- mþl