Nýtt par á Emmy-hátíðinni

Leikkonan Emilia Clarke og Seth MacFarlane, höfundur Family Guy þáttanna, gætu verið nýtt par. Clarke og MacFarlane voru mynduð saman á Emmy-verðlaunahátíðinni í Los Angeles á laugardaginn var.

Clarke hefur slegið í gegn sem Daenerys Targaryen í sjónvarpsþáttunum Game of Thrones en MacFarlane lék síðast í kvikmyndinni Ted ásamt Mark Wahlberg. Hann ljær einnig persónunum Peter Griffin, Brian Griffin og Stewie rödd sína í gamanþáttunum Family Guy. Að sögn sjónarvotta virtist parið hamingjusamt á hátíðinni.

"Hann lagði handlegginn oft yfir axlirnar á henni eða tók utan um mitti hennar og hún virtist alsæl," sagði einn sjónarvottur.