Ben Stiller í Borgarnesi um helgina

Tökur á myndinni The Secret Life of Walter Mitty hér á landi hófust í gær. Ben Stiller, sem leikstýrir myndinni ásamt því að fara með aðalhlutverkið, var með lið sitt á Hellisheiðinni í gær.

Hann mun gera víðreist í framhaldinu, meðal annars um Vesturland. Í héraðsblaðinu Skessuhorni segir að Geirabakarí í Borgarnesi verði lokað frá morgundeginum til og með þriðjudags vegna upptöku á atriði á pitsustað.

Þá herma fréttir að upptökur muni einnig fara fram á Borgarfjarðarbrúnni og að tökuliðið hafi leigt húsnæði menntaskólans í bænum meðan á tökum stendur.