Skotbardagi eftir leik Thunder og Lakers

Allt varð vitlaust nærri íþróttahöllinni í Oklahoma á sama tíma og áhorfendur voru að yfirgefa svæðið eftir leik Thunder og LA Lakers.

Slagsmál enduðu þá í miklum skotbardaga og lágu átta eftir slasaðir. Þar af sjö með sár eftir skotbardagann en ólétt kona slasaðist einnig í látunum. Sex af þeim sem voru skotnir eru á batavegi en ástand eins er alvarlegt.

"Það er ekkert sem bendir til þess að þessi læti hafi tengst leiknum á neinn hátt. Við vitum ekki til þess að neitt af þessu fólki hafi verið á leiknum," sagði lögreglan á svæðinu.