Hættir að leika fyrir fimmtugt

Brad Pitt segist vera tilbúinn til að leika í kvikmyndum í þrjú ár í viðbót en láta svo gott heita þegar hann verður fimmtugur.

Barnafjöldinn sem leikarinn á með Angelinu Jolie gæti haft eitthvað að gera með ákvörðunina, en Pitt segist verða reiður þegar hann hugsar um að börnin hans þekki ekki annan veruleika en að þurfa að búa bak við læst hlið til þess að vera laus við ágang ljósmyndara.

Hann viðurkennir að hann taki ákvarðanir á annan hátt eftir að hann eignaðist börn.

„Þegar ég vel myndir sem ég vil leika í núna vil ég gjarnan að þær séu ekki jafn óþroskaðar og myndir sem ég hef áður leikið í. Ég er mjög meðvitaður um að börnin mín muni sjá myndirnar mínar þegar þau verða fullorðin. Ég vil að þau hugsi að pabbi þeirra sé alveg ágætur.“