Hraðari og betri en forverarnir Arnór Bogason skrifar 17. október 2011 07:30 iPhone 4S kom út víða um heim á föstudag og er alvöru uppfærsla þó hvorki sé hann léttari né þynnri en forverarnir. nordicphotos/afp Í byrjun mánaðarins hélt Apple blaðamannafund sem var auglýstur undir þeim formerkjum að þá yrði kynnt ný útgáfa af iPhone-síma fyrirtækisins. Margir urðu hins vegar vonsviknir þegar í ljós kom að þessi „nýi“ sími reyndist aðeins vera uppfærsla á síðustu útgáfu. Enda er iPhone 5 líklega umtalaðasta fyrirbæri tækniheimsins á þessu ári. Orðrómur var um að skjárinn væri stærri, síminn þynnri og 4G-tengimöguleikar byðust. Bjartsýnustu menn gerðu sér jafnvel vonir um innbyggðan myndvarpa og fleira í þeim dúr, sem allt verður nú að teljast afar óraunhæft. iPhone 5 reyndist þó ekki hafa verið í pípunum hjá Apple, heldur uppfærð útgáfa af iPhone 4 sem kallast iPhone 4S. Hann kom út síðastliðinn föstudag og, þökk sé iSímanum í Skipholti, fékk ég tækifæri til að prófa þetta nýjasta útspil Apple. Það má segja að hér sé um að ræða öflugra tæki en stór hluti af breytingunni er tengdur stýrikerfinu. Hér er ekki ætlunin að fara í þaula yfir virkni stýrikerfisins og nýjungar þar að lútandi enda er hún ekki bundin við tækið sjálft nema að litlu leyti. Siri lætur í sér heyraSiri er dæmi um hugbúnað sem einungis virkar á þessum nýja síma, en er þó hluti af stýrikerfinu. Siri er kynnt til sögunnar sem persónulegur aðstoðarmaður, hún skilur hvað sagt er og getur svarað á móti. En bara ef þú talar ensku, þýsku eða frönsku, að minnsta kosti enn um sinn. Hún virðist þó nokkuð klár. Undirstaða Siri er nefnilega öflugur gervigreindarbúnaður sem er ofinn saman við raddkennsl og talgervil. Ástæða þess að Siri virkar ekki á iPhone 4 segir Apple vera þá að hún krefjist vinnsluhraða sem ekki virki nema með hraðvirkum örgjörvanum sem er í 4S. Hann nefnist A5 og er einnig í iPad 2. Þótt tölvuhakkarar hafi þegar fundið bakleið til að láta Siri virka bæði á iPhone 4 og iPad 2 er ólíklegt að Apple muni bjóða upp á þann valkost í framtíðinni. Sjö sinnum hraðariFyrrnefndur örgjörvi gerir iPhone 4S ótrúlega hraðan. Samkvæmt Apple er hann um sjö sinnum hraðari en forveri hans og það skilar sér svo sannarlega. Við alla notkun er hann sneggri og viðbragðsfljótari. Safari-vafrinn er gott dæmi um þetta og jafnvel á 3G-tengingu er hann snöggur að hlaða inn þungum og efnismiklum vefsíðum. Þar að auki hefur Safari verið uppfærður með enn meiri skilvirkni í huga. En það er ekki bara örgjörvinn sem stuðlar að hraðara neti. Í iPhone 4S eru nefnilega tvö loftnet, eitt að ofan og eitt að neðan sem Apple fullyrðir að geti allt að því tvöfaldað nethraðann á 3G. Besta myndavélinÞað fannst ekki betri myndavél í síma en í iPhone 4, en lengi má gott bæta og það hefur Apple svo sannarlega gert í 4S. Myndavélin er nú með átta megapixla upplausn og þó það segi ekki alla söguna hefur myndflagan verið stórbætt að mörgu leyti. Linsan er skarpari og ljósopið gleiðara en nokkru sinni. Að auki styður síminn nú myndupptöku í 1080p HD upplausn. iPhone 4S væri lítið spennandi ef ekki væri fyrir frábært stýrikerfi með stórkostlegu notendaviðmóti. Hugbúnaðurinn í iPhone bindur þannig saman alla þá kosti sem vélbúnaðurinn býður upp á og gerir manni kleift að fá það besta út úr tækinu með sem minnstu vafstri. Þótt iPhone 4S sé ekki síminn sem margir biðu eftir, hann er hvorki léttari né þynnri en forverarnir, þá ætti enginn að verða vonsvikinn. Hraðinn er stóraukinn og það skiptir líklega mestu máli þótt Siri, mun betri myndavél og betra loftnet séu allt flottar viðbætur við iPhone. Þetta eru allt þættir sem taka þátt í að styrkja þá arfleifð sem Steve Jobs skilur eftir sig. Tækni Mest lesið Gervigreind og tíska: Hafa nú þegar fengið 100 milljónir í styrki Atvinnulíf „Við eigum margar rómantískar stundir í vinnunni“ Atvinnulíf Gengi Icelandair flaug upp á við Viðskipti innlent Stöðva þurfi rányrkju bílastæðaeigenda Neytendur Langaði svakalega mikið í sleik við George Clooney Atvinnulíf Spá 7,5 prósent stýrivöxtum í lok 2025 Viðskipti innlent Vill laða að lágverðsverslun á Krókinn Viðskipti innlent Segir engar breytingar hafa verið gerðar á uppskrift SS pylsna Neytendur Ráðin markaðsstjóri Sensa Viðskipti innlent Útlit fyrir frekari verðhækkanir á kaffimarkaði Neytendur Fleiri fréttir Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira
Í byrjun mánaðarins hélt Apple blaðamannafund sem var auglýstur undir þeim formerkjum að þá yrði kynnt ný útgáfa af iPhone-síma fyrirtækisins. Margir urðu hins vegar vonsviknir þegar í ljós kom að þessi „nýi“ sími reyndist aðeins vera uppfærsla á síðustu útgáfu. Enda er iPhone 5 líklega umtalaðasta fyrirbæri tækniheimsins á þessu ári. Orðrómur var um að skjárinn væri stærri, síminn þynnri og 4G-tengimöguleikar byðust. Bjartsýnustu menn gerðu sér jafnvel vonir um innbyggðan myndvarpa og fleira í þeim dúr, sem allt verður nú að teljast afar óraunhæft. iPhone 5 reyndist þó ekki hafa verið í pípunum hjá Apple, heldur uppfærð útgáfa af iPhone 4 sem kallast iPhone 4S. Hann kom út síðastliðinn föstudag og, þökk sé iSímanum í Skipholti, fékk ég tækifæri til að prófa þetta nýjasta útspil Apple. Það má segja að hér sé um að ræða öflugra tæki en stór hluti af breytingunni er tengdur stýrikerfinu. Hér er ekki ætlunin að fara í þaula yfir virkni stýrikerfisins og nýjungar þar að lútandi enda er hún ekki bundin við tækið sjálft nema að litlu leyti. Siri lætur í sér heyraSiri er dæmi um hugbúnað sem einungis virkar á þessum nýja síma, en er þó hluti af stýrikerfinu. Siri er kynnt til sögunnar sem persónulegur aðstoðarmaður, hún skilur hvað sagt er og getur svarað á móti. En bara ef þú talar ensku, þýsku eða frönsku, að minnsta kosti enn um sinn. Hún virðist þó nokkuð klár. Undirstaða Siri er nefnilega öflugur gervigreindarbúnaður sem er ofinn saman við raddkennsl og talgervil. Ástæða þess að Siri virkar ekki á iPhone 4 segir Apple vera þá að hún krefjist vinnsluhraða sem ekki virki nema með hraðvirkum örgjörvanum sem er í 4S. Hann nefnist A5 og er einnig í iPad 2. Þótt tölvuhakkarar hafi þegar fundið bakleið til að láta Siri virka bæði á iPhone 4 og iPad 2 er ólíklegt að Apple muni bjóða upp á þann valkost í framtíðinni. Sjö sinnum hraðariFyrrnefndur örgjörvi gerir iPhone 4S ótrúlega hraðan. Samkvæmt Apple er hann um sjö sinnum hraðari en forveri hans og það skilar sér svo sannarlega. Við alla notkun er hann sneggri og viðbragðsfljótari. Safari-vafrinn er gott dæmi um þetta og jafnvel á 3G-tengingu er hann snöggur að hlaða inn þungum og efnismiklum vefsíðum. Þar að auki hefur Safari verið uppfærður með enn meiri skilvirkni í huga. En það er ekki bara örgjörvinn sem stuðlar að hraðara neti. Í iPhone 4S eru nefnilega tvö loftnet, eitt að ofan og eitt að neðan sem Apple fullyrðir að geti allt að því tvöfaldað nethraðann á 3G. Besta myndavélinÞað fannst ekki betri myndavél í síma en í iPhone 4, en lengi má gott bæta og það hefur Apple svo sannarlega gert í 4S. Myndavélin er nú með átta megapixla upplausn og þó það segi ekki alla söguna hefur myndflagan verið stórbætt að mörgu leyti. Linsan er skarpari og ljósopið gleiðara en nokkru sinni. Að auki styður síminn nú myndupptöku í 1080p HD upplausn. iPhone 4S væri lítið spennandi ef ekki væri fyrir frábært stýrikerfi með stórkostlegu notendaviðmóti. Hugbúnaðurinn í iPhone bindur þannig saman alla þá kosti sem vélbúnaðurinn býður upp á og gerir manni kleift að fá það besta út úr tækinu með sem minnstu vafstri. Þótt iPhone 4S sé ekki síminn sem margir biðu eftir, hann er hvorki léttari né þynnri en forverarnir, þá ætti enginn að verða vonsvikinn. Hraðinn er stóraukinn og það skiptir líklega mestu máli þótt Siri, mun betri myndavél og betra loftnet séu allt flottar viðbætur við iPhone. Þetta eru allt þættir sem taka þátt í að styrkja þá arfleifð sem Steve Jobs skilur eftir sig.
Tækni Mest lesið Gervigreind og tíska: Hafa nú þegar fengið 100 milljónir í styrki Atvinnulíf „Við eigum margar rómantískar stundir í vinnunni“ Atvinnulíf Gengi Icelandair flaug upp á við Viðskipti innlent Stöðva þurfi rányrkju bílastæðaeigenda Neytendur Langaði svakalega mikið í sleik við George Clooney Atvinnulíf Spá 7,5 prósent stýrivöxtum í lok 2025 Viðskipti innlent Vill laða að lágverðsverslun á Krókinn Viðskipti innlent Segir engar breytingar hafa verið gerðar á uppskrift SS pylsna Neytendur Ráðin markaðsstjóri Sensa Viðskipti innlent Útlit fyrir frekari verðhækkanir á kaffimarkaði Neytendur Fleiri fréttir Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira