Pollichathu fiskur frá veitingahúsinu Gandhi

Aðferðin við að elda Pollichathu fisk frá veitingahúsinu Gandhi Pósthússtræti má sjá í meðfylgjandi myndskeiði en þessi fiskur er mjög vinsæll réttur frá Kerala héraðinu á Indlandi.

Uppskrift fyrir 2

1. Skref - Kryddlögur fyrir marineringu

400 gr steinbítur eða hlýri.

3 tsk. chilli duft

¼ tsk. turmeric krydd

½ tsk. pipar

¼ tsk. engifer mauk eða duft

2 hvítlauskrif smátt söxuð

1 msk. sítrónusafi

Salt eftir smekk

¼ bolli kókosolía til steikingar

Skerið nokkrar rákir í fiskinn fyrir marineringu. Blandið öllu saman svo úr verði mauk og marinerið fiskinn í alla vega í 2 tíma. Hitið olíu á pönnu til steikingar og léttsteikið fiskinn á báðum hliðum, alls ekki of mikið.

2. Skref - Sósan

1 fínt skorinn laukur

1 ¼ tsk. þunnt sneiddur engifer

6-8 mjög þunnt sneiddur grænn chilli

Nokkur karrílauf

Hnífsoddur af turmeric dufti

Hnífsoddur af chilli dufti

2 msk. kókosolía

¼ bolli kókosmjólk

Salt eftir smekk

Bananalaufin sem eru notuð fást í tælenskum búðum í Reykjavík

Hitið 2 msk. af olíu á pönnu og steikið laukinn, engifer, grænt chilli og karrílauf þangað til það verður ljósbrúnt, bætið þá við turmeric og chilli dufti. Bætið við kókosmjólk og látið malla í smá stund þangað til hæfilega þykkt.

Þvoið bananalaufin vel og smyrjið helmingnum af sósunni á bananalaufið. Raðið fiskinum þar ofan á og svo restinni af sósunni. Pakkið bananalaufunum utan um fiskinn og steikið á pönnu í c.a. 10 mínútur.

Berið fram með hrísgrjónum.