Sveppi er svo með´etta

Fjöldi barna og fullorðinna mættu í Eymundsson við Skólavörðustíg í dag í tilefni af útkomu bókarinnar Skemmtibók Sveppa þar sem Sveppi hefur tekið saman alla uppáhalds leikina sína, hugmyndir að alls kyns tómstundum og dægradvöl, brandara og brellur, fyndnar örsögur, gómsætar, einfaldar uppskriftir, þrautir og ýmiss konar heilafóður.

Sérstaka athygli vakti hvað Sveppi var þolinmóðir og blíður við ungu gestina sem gæddu sér á heitu súkkulaði og piparkökum á milli þess sem þeir spjölluðu við sjónvarpsstjörnuna.

Ef meðfylgjandi myndir eru skoðaðar má sjá að Sveppi gerði sér lítið fyrir og skellti sér á fjórar fætur til að þurrka upp kakó sem helltist óvart niður.