1-1 í hálfleik á Wembley - myndir

Fyrri hálfleikur úrslitaleiks Meistaradeildarinnar á milli Barcelona og Manchester United var bráðskemmtilegur en staðan var 1-1 í hálfleik.

Pedro Rodríguez kom Barcelona í 1-0 á 27. mínútu eftir frábæra sendingu frá Xavi Hernández en Wayne Rooney jafnaði leikinn sjö mínútum síðar eftir þríhyrningsspil við Ryan Giggs.

Barcelona hefur haft mikla yfirburði í leiknum en United hélt sér inn í leiknum með glæsilegu jöfnunarmarki Rooney. Barca hefði þó átt að skora fleiri en eitt mark í fyrri hálfleiknum.

AP-myndaþjónustan hefur þegar sent inn fullt af myndum úr fyrri hálfleiknum og Vísir hefur tekið nokkrar þeirra saman í pakka. Myndirnar má sjá í albúminu hér að neðan. Hægt er að sjá myndirnar stærri með því að smella á þær.