NBA-deildin: Bryant með sigurkörfu í endurkomuleik sínum

Átta leikir fóru fram í NBA-deildinni í körfubolta í nótt þar sem hæst bar sigurkarfa Kobe Bryant fyrir LA Lakers og sigur Cleveland Cavaliers eftir þrjá tapleiki í röð.

Bryant sneri aftur í lið Lakers gegn Memphis Grizzlies eftir að hafa misst af fimm leikjum vegna ökklameiðsla og tók upp þráðinn þar sem frá var horfið.

Hann var stigahæstur hjá Lakers með 32 stig og skoraði sigurkörfuna þegar skammt var til leiksloka með þriggja stiga skoti og lokatölur urðu 98-99.

Þá komst Cleveland aftur á sigurbraut með 105-95 sigri gegn New Orleans þar sem LeBron James og Shaquille O'Neal voru stigahæstir heimamanna með 20 stig hvor en nýi leikmaðurinn Antawn Jamison kom næstur með 18 stig.

Úrslitin í nótt:

Cleveland-New Orleans 105-95

Boston-New York 110-106

Miami-Minnesota 88-91

New Jersey-Portland 93-102

Memphis-LA Lakers 98-99

Oklahoma City-Phoenix 102-104

Sacramento-Detroit 89-101

Golden State-Philadelphia 102-110