ÍR-ingar bæta við sig bandarískum leikstjórnanda

ÍR-ingar gafa ákveðið að styrkja liðið sitt með bandarískum leikstjórnenda. Mike Jefferson hefur gert samnig við liðið og mun klára með þeim tímabilið í Iceland Express deildinni.

Jefferson er 25 ára leikstjórnandi og kemur frá Bandaríkjunum. Hann lék með svissneska liðinu Geneve Devils tímabilið 2008-2009 við góðan orðstír.

Mike Jefferson var með 15,7 stig og 5,4 stoðsendingar með Geneva Devils í svissnesku úrvalsdeildinni á síðasta tímabili þar sem hann hitti úr 34,8 prósent þriggja stiga skota sinna og 86,4 prósent vítanna.

Mike Jefferson var með 11,6 stig og 5,1 stoðsendingu að meðaltali á þremur árum sínum með High Point háskólanum en hann lék tvö þeirra tímabila með Landon Quick, núverandi leikmanni Hauka og fyrrum leikmanni Skallagríms.