Brot Dwight Howard var „svívirðilegt“

Dwight Howard sveiflaði olnboga sínum heldur hressilega eftir að hann reif til sín frákast í fjórða leik Orlando Magic og Boston Celtic í vikunni.

Hann hæfði Kevin Garnett í andlitið og járnmaðurinn lagðist í gólfið, óvígur eftir atvikið. NBA-deildin tók brotið fyrir og hefur dæmt það upp á nýtt.

Áður var það ekki talið mjög alvarlegt en hefur nú verið uppfært í „svívirðilegt brot," samkvæmt skilgreiningum deildarinnar.

Þetta er annað „svívirðilega" brotið hjá Howard í úrslitakeppninni. Fái hann tvö slík til viðbótar dæmd á sig fer hann í eins leiks bann.