Kysstust og drukku vín

Jennifer Aniston og Gerard Butler mættu ein síns liðs á Golden Globe-hátíðina um helgina en að sögn sjónarvotta héldu þau hvort öðru félagsskap meðan á hátíðinni stóð. Þau Butler léku saman í kvikmyndinni The Bounty Hunter sem frumsýnd var í Bandaríkjunum stuttu fyrir jól.

„Eftir verðlaunaafhendinguna voru þau saman baksviðs og drukku kampavín, áður en menn vissu af voru þau farin að kyssast. Þau voru saman allt kvöldið og virtist líða vel í návist hvort annars. Stjórnendur hátíðarinnar voru farnir að gantast með þetta í gegnum talstöðvar sínar," sagði einn sjónarvottur. Þetta er ekki í fyrsta sinn sem slíkur orð­rómur um samband Aniston og Butler fer á kreik. Margir veltu því sama fyrir sér meðan á tökum á The Bounty Hunter stóð.