Mick Jagger var með Jolie

Samkvæmt nýrri bók, Brad Pitt and Angelina: The True Story, áttu Angelina Jolie og Mick Jagger úr Rolling Stones í ástarsambandi. Fyrst byrjuðu þau að hittast þegar hún lék í tónlistarmyndbandi sveitarinnar við lagið Anybody Seen My Baby? árið 1997. Sambandið hélt síðan áfram árið 2003, heldur höfundur bókarinnar, Jenny Paul, fram.

Samkvæmt henni átti Jolie einnig í fjögurra mánaða ástarsambandi með leikaranum Colin Farrell eftir að þau léku saman í Alexander árið 2004. Pitt og Angelina byrjuðu saman árið 2005, skömmu eftir að Pitt hætti með leikkonunni Jennifer Aniston.