Snæfellingar geta jafnað afrek Njarðvíkinga frá 1994

Snæfellingar geta í kvöld jafnað sextán ára gamalt afrek Njarðvíkinga frá árinu 1994 þegar Njarðvíkingar tryggðu sér titilinn eftir að hafa unnið oddaleiki á útivelli í bæði undanúrslitum og lokaúrslitum.

Keflavík og Snæfell spila í kvöld hreinan úrslitaleik um Íslandsmeistaratitilinn í Iceland Express deild karla í körfubolta. Leikurinn hefst klukkan 19.15 í Toyota-höllinni í Keflavík og verður í beinni útsendingu á Stöð 2 Sport.

Njarðvíkingar fóru erfiðu leiðina að titlinum vorið 1994. Þeir lentu 1-0 undir á móti Keflavík í undanúrslitum en jöfnuðu einvígið á heimavelli og tryggðu sér síðan sæti í lokaúrslitunum með 98-91 sigri í oddaleik í Keflavík.

Njarðvík mætti síðan Grindavík í lokaúrslitum og lenti bæði 0-1 og 1-2 undir í úrslitaeinvíginu. Njarðvík jafnaði einvígið í 2-2 með öruggum 93-65 sigri á heimavelli og tryggði sér síðan titilinn með 68-67 sigri í oddaleiknum í Grindavík.

Snæfellingar eru áttunda liðið í sögu úrslitakeppninnar sem fer bæði í oddaleik í undanúrslitum og lokaúrslitum. Aðeins tvö þessara liða hafa unnið titilinn og í bæði skiptin höfðu andstæðingar þeirra einnig farið í gegnum oddaleik í undanúrslitum.

Lið sem fara í oddaleik í bæði undanúrslitum og lokaúrslitum:

Haukar 1985 - silfur

Undanúrslit: Haukar 76-74 (68-68) Valur

Lokaúrslit: Njarðvík 67-61 Haukar

Njarðvík 1988 - silfur

Undanúrslit: Njarðvík 81-71 Valur

Lokaúrslit: Njarðvík 91-92 (66-66, 79-79) Haukar

Keflavík 1991 - silfur

Undanúrslit: Keflavík 86-80 KR

Lokaúrslit: Njarðvík 84-75 Keflavík

Keflavík 1992 - gull

Undanúrslit: Keflavík 87-73 KR

Lokaúrslit: Keflavík 77-68 Valur

Valur 1992 - silfur

Undanúrslit: Njarðvík 78-82 (73-73) Valur

Lokaúrslit: Keflavík 77-68 Valur

Njarðvík 1994 - gull

Undanúrslit: Keflavík 91-98 Njarðvík

Lokaúrslit: Grindavík 67-68 Njarðvík

Grindavík 1994 - silfur

Undanúrslit: Grindavík 94-77 ÍA

Lokaúrslit: Grindavík 67-68 Njarðvík