Þórir eftirlitsmaður á White Hart Lane í kvöld

Þórir Hákonarson, framkvæmdastjóri KSÍ, verður eftirlitsmaður UEFA á leik Tottenham og Werder Bremen í Meistaradeildinni í kvöld en leikurinn fer fram á heimavelli Tottenham, White Hart Lane. Þetta kemur fram á heimasíðu KSÍ.

Tottenham er í efsta sæti A-riðils með jafnmörg stig og Inter en betri markatölu. Hollenska liðið Twente er tveimur stigum á eftir og því er enn mikil spenna í riðlinum.

Gunnar Gylfason, starfsmaður KSÍ, var umsjónarmaður UEFA (venue director) á leik Braga og Arsenal í Meistaradeildinni í gærkvöldi en sá leikur var í H-riðli Meistardeildarinnar.