NBA: Cleveland lagði meistarana

Það var sannkallaður stórleikur í NBA-deildinni í nótt þegar Cleveland tók á móti meisturum Los Angeles Lakers. Cleveland hafði betur, 93-87, en það var risasóknarfrákast frá Anderson Varejao sem gerði gæfumuninn í lokin. Hann fékk vítaskot í kjölfarið sem hann setti niður.

„Þetta var gaman. Margir sögðu mér að það hefði verið gaman að horfa á leikinn. Ég get líka sagt að það var mjög skemmtilegt að spila leikinn," sagði LeBron James, leikmaður cleveland eftir leikinn.

James fór á kostum í leiknum og skoraði 37 stig og gaf 9 stoðsendingar. Þar af hitti hann úr 5 af síðustu 7 skotum sínum þegar mest var undir í lokin.

Úrslit næturinnar:

Cleveland-LA Lakers  93-87

Denver- LA Clippers 105-85