Sumum leiddist ekki í EFJ ilmvatnsboðinu

Sigrún Lilja Guðjónsdóttir framkvæmdastjóri Gyðja Collection stóð fyrir stórglæsilegum opnunarviðburði á laugardaginn þegar nýja ilmvatnið sem unnið er úr Eyjafjallajökli, EFJ Eyjafjallajökull by Gyðja, var kynnt í fyrsta sinn og það með látum.

Mikil leynd ríkti yfir viðburðinum sem haldinn var á veitingastaðnum Austur. Það var fjölmiðlakonan Friðrika Hjördís Geirsdóttir sem hélt uppi stemningunni í hlutverki veislustjóra.

Hljómsveitin BB & Blake spilaði í boðinu og tónlistarmaðurinn Haffi Haff mætti óvænt með miklum látum og söng hástöfum fyrir gesti á meðan einstaklega glæsilegir herramenn gengu um staðinn með gjafapoka sem innihélt ilmvatnið sem þeir afhentu öllum konunum í húsinu. Í gjafapokanum mátti finna EFJ ilmvatnið, ýmsar snyrtivörur og Sif Cosemtics dropa. Það fór ekki á milli mála að konurnar sem þarna voru viðstaddar líkaði uppátækið en mikil fagnaðarlæti brutust út þegar herramennirnir sem gengu á milli og afhentu herlegheitin voru engir aðrir en metsöluhöfundurinn Egill Gillz Einarsson og myndarlegu félagar hans.

Veitingarnar voru ekki af verri endanum en gestir fengu meðal annars að bragða á glænýjum Eyjafjallajökullskokteil sem var búinn til af Austur úr hinu einstaka Tanqueray 10 gini sérstaklega fyrir viðburðinn. Einnig gæddu viðstaddir sér á Moët kampavíni, léttvíni og töfruðu kokkar Austurs fram smárétti frá Kjötkompaní af sinni alkunnu snild.

Á meðfylgjandi myndum má sjá gesti stilla sér upp á rauða dreglinum.