Grindavík og Snæfell eru yfir í hálfleik

Heimaliðin Grindavík og Snæfell eru bæði yfir í hálfleik í fyrsta leik liðanna í 8 liða úrslitum úrslitakeppni Iceland Express deildar karla. Grindavík er fimm stigum yfir á móti ÍR, 55-49, en Snæfell er tveimur stigum yfir á móti Stjörnunni, 40-38.

Páll Axel Vilbergsson er búinn að skora 18 stig fyrir Grindavík í fyrri hálfleik en næstir honum eru Þorleifur Ólafsson með 11 stig og Nick Bradford með 10 stig. Hjá ÍR hefur Hreggviður Magnússon skorað 14 stig og þeir ÓMar Sævarsson og Sveinbjörn Claessen eru báðir með 13 stig. Staðan eftir fyrsta leikhluta var 32-22 fyrir Grindavík eftir að ÍR hafi komist í 9-18.

Magni Hafsteinsson er búinn að skora 12 stig fyrir Snæfell og Sigurður Þorvaldsson er með 9 stig. Hjá Stjörnunni er Jovan Zdravevski kominn með 15 stig í hálfleik og Justin Shouse er með 7 stig og 5 stoðsendingar. Staðan eftir fyrsta leikhluta var 20-24 fyrir Stjörnuna.