NBA: Sigrar hjá Lakers og Cleveland

Aðeins tveir leikir fóru fram í NBA-deildinni í körfubolta í nótt og þeir voru reyndar ekkert af ódýrari gerðinni. Lakers lagði Phoenix og Cleveland skellti Miami.

Það vantaði ekki stjörnurnar á leik Cleveland og Miami. Sjálfur Michael Jordan sat við hlið Pat Riley og Scottie Pippen var á fremsta bekk. Svo var Reggie Miller að lýsa og Penny Hardaway var einnig í stúkunni.

Svo voru það stjörnurnar á vellinum. LeBron James skoraði 34 stig fyrir Cleveland og Shaq skoraði 14. Þar af hitti hann úr 6 af 10 vítaskotum sínum.

Lakers var ekki í neinum vandræðum með heitt lið Phoenix og komst mest 27 stigum yfir.

Andrew Bynum snéri aftur í lið Lakers og skoraði 26 stig. Lakers er nú 7-1 og mætir næst Denver sem er 6-2.

Úrslit næturinnar:

Miami-Cleveland  104-111

LA Lakers-Phoenix  121-102