Tónlistarfólk í stjörnusápu

Amy Winehouse, Razorlight og Bloc Party leika í nýrri sjónvarpsseríu á netinu. Þá má sjá Duffy, Girls Aloud og The Feeling í aukahlutverkum. Sápan heitir 'The Secret World Of Sam King' og verður aðeins aðgengileg þeim sem nota Bebo-vefsvæðið. Á hún að eiga sér stað innan Universal Records, sem standa að framleiðslu þáttarins ásamt Bebo og framleiðslufyrirtækinu Monkey Kingdom. Sápan á að snúast um ungling sem vinnur hjá Universal en setur upp eigin skrifstofu inni í skrifstofuskáp. Ekki hefur verið gefið upp hvaða hlutverk falla til stjarnanna.