Sýslumaður á Springsteen tónleika í Lundúnum

Ólafur Helgi Kjartansson, sýslumaður á Selfossi, tók sér um helgina frí frá amstrinu fyrir austan fjall og brá sér til Lundúna.

Hann er fararstjóri fyrir hópi manna sem hann lóðsar á Arsenal leikvanginn til þess að hlýða á meistara Bruce Springsteen, sem þar heldur tónleika.

Sýslumaðurinn er annálaður rokkari, eins og alþjóð veit. Elskar sérstaklega Rolling Stones og Springsteen.

Ferð þessi var fyrir löngu skipulögð. Er þess að vænta að sýslumaður snúi endurnærður á sál og líkama til starfa sinna fyrir austan.