Miðasala á tónleika Kim Larsen hefst á þriðjudaginn

Miðasala á tónleika Kim Larsen í Vodafonehöllinni þann 24. nóvember nk. hefst þriðjudaginn 16. júlí klukkan 10. Miðasala fer fram á midi.is og í verslunum Skífunnar og BT um allt land. Miðaverð er 5.900 kr. í sæti og 4.900 kr. í stæði.

 Takmarkað magn miða er í boði og rétt er að geta þess að það seldist upp á 3 tónleika Kim Larsen fyrir 2 árum á 30 mínútum. Kim Larsen og félagar hafa verið á tónleikaferð að undanförnu um Danmörku og í framhaldi af því munu þeir ferðast um Norðurlöndin og verða lokatónleikarnir á Íslandi.

Nýjasta plata Kim Larsen og Kjukken kom út fyrir jólin 2006 og ber hún nafnið "Gammel hankat" sem útleggst á íslensku "Gamli fresskötturinn". Gagnrýnendur hafa keppst við að lofa plötuna og fékk hún 5 stjörnur í Ekstra Bladet, BT, Jyllands Posten, MetroXpress, Politiken og Urban.