Rooney: Einn erfiðasti leikur sem ég hef spilað

Wayne Rooney var mjög sáttur við úrslitin á Ítalíu í kvöld þó hans menn í Manchester United hafi tapað 2-1. Rooney skoraði fyrsta mark sitt í 18 Evrópuleikjum og hrósaði félögum sínum fyrir undirbúninginn. Ekki þarf að taka það fram að hann er fullur sjálfstrausts fyrir síðari leikinn á Old Trafford.

"Það var mjög erfitt að lenda manni undir svona snemma og þetta var einn erfiðasti leikur sem ég hef spilað. Roma spilaði boltanum mjög vel en við vissum að þetta yrði þeim erfitt í síðari leiknum um leið og við náðum að skora. Undirbúningurinn hjá Ronaldo var frábær - ég veit ekki hvernig hann fór að því að koma boltanum á Ole - en ég fékk svo góða sendingu og náði að klára færið. Við erum mjög sáttir við niðurstöðuna," sagði Rooney.