Rokk og ról hjá Cartier í París

Cartier-snyrtifyrirtækið rekur stórt safn í Paris á Boulevard Raspail. Húsið er hannað af Jean Nouvel arkitekt, þeim sem datt út í lokaumferð keppninnar um Tónlistarhúsið í Reykjavík.

Þar eru jafnan forvitnilegar sýningar: nýlega lauk þar stórri yfirlitssýningu á myndlist David Lynch. Nú er þar komin upp sýning sem kallast Rock an‘ Roll og rekur í máli og myndum upphaf rokksins 1939-1959.

Þar er í máli, myndum, fornmunum og innsetningum gerð grein fyrir því hvernig ný tíska í tónlist varð til, ekki úr engu enda rekur sýningin tilhneigingu í dægurtónlist vestanhafs allt aftur fyrir stríð. Kemur engum á óvart: Nat King Cole sög Route 66 löngu á undan ungu rokkurunum. Hér er sýnt hvernig James Brown sótti minni í tónsmíðinni Night Train til Dukes Ellington. Sýningunni fylgir glæsileg bók sem rekur upphafið til hraðari blúsópusa jassgeggjara Hamptons, Jordans og fleiri.

Fari menn um París á næstu mánuðum geta áhugamenn sótt upp á Boulevard Raspail og fundið upphaf rokksins og endalok fyrsta kaflans í langri sögu þess: þar hangir uppi jakkinn sem Presley fór úr í frægu atriði í Ed Sullivan show.