Algjört dúndur í Höllinni

Hljómsveitin Dúndurfréttir spilaði plötu Pink Floyd, The Wall, í Laugardalshöll á miðvikudagskvöld við mjög góðar undirtektir. Sinfóníuhljómsveit Íslands lék undir á lipurlegan hátt.



The Wall er talið eitt mesta þrekvirki rokksögunnar og því réðust þeir félagar í Dúndurfréttum ekki á garðinn þar sem hann var lægstur. Ekki var þó að heyra að þeir ættu í nokkrum vandræðum með verkefnið, enda þaulvanir menn þar á ferð. Þetta voru fyrri tónleikar Dúndurfrétta af tvennum og voru hinir síðari haldnir í gærkvöldi, fyrir fullu húsi að sjálfsögðu.