Ástralska söngkonan Kylie Minogue vonast til að næsta plata sín kom fyrir jólin. Kylie er að snúa aftur á sjónarsviðið eftir að hafa greinst með brjóstakrabbamein. Fjögur ár eru liðin síðan síðasta plata hennar, Body Language, kom út.
Nýverið var tíu lögum sem eiga að vera á nýju plötunni lekið á netið, Kylie til mikils ama. „Það er mjög spennandi að vita til þess að platan gæti orðið tilbúin fyrir jólin,“ sagði Kylie. „Það var samt mjög leiðinlegt að frétta að ókláruðu lögunum var stolið og þau sett á netið.“
