Vinylútgáfa af Kajak

Nýjasta plata Benna Hemm Hemm, Kajak, er nú fáanleg í vinylútgáfu. Með útgáfunni fylgir sjötommu plata þar sem sænski tónlistarmaðurinn Jens Lekman tekur lagið með Benna Hemm Hemm.

Lekman, sem hefur gefið út tvær plötur, hefur notið töluverðra vinsælda undanfarið. Spilaði hann m.a. á síðustu Iceland Airwaves-tónlistarhátíð. Með vinylútgáfunni fylgir með plakat sem var sérhannað fyrir útgáfuna.

Kajak hefur verið tilnefnd til Íslensku tónlistarverðlaunanna í flokki popptónlistar. Verðlaunin verða afhent þann 31. janúar næstkomandi.