Desyn Masiello á Nasa

Flex Music slær upp heljarinnar dansveislu á skemmtistaðnum NASA við Austurvöll þann fyrsta desember. Nú er 6 mánaða bið á enda og súperplötusnúðurinn Desyn Masiello á leið til landsins í fyrsta skiptið!!

Desyn er sá plötusnúður sem hefur skotist hvað hraðast upp í vinsældum af öllum öðrum plötusnúðum og er hann eini plötusnúðurinn í heiminum sem hefur náð að spila á 80 mismundandi klúbbum og hátíðum á aðeins 100 dögum!

Árið 2004 bentu Sander Kleinenberg, Deep Dish og Danny Howells allir á Desyn sem þeirra uppáhaldsplötusnúð og næsta "superstar DJ" í viðtali sem tekið var af DJ mag http://www.djmag.com, sem þá var að taka viðtöl við stærstu plötusnúða heims í sambandi við valið á top 100 listanum það árið!

Desyn Masiello byrjaði að stúdera danstónlist árið 1989 og var þá aðeins 16 ára gamall. Hann ferðaðist á milli svokallaðara rave partýa í Bretlandi á þessum árum og heillaðist þá einna mest af acid/house og síðar progressive house tónlist, en sú stefna tónlistar fór ekki að taka á sig mynd fyrr en um árið 1992. Árið 1990 var hann búinn að kaupa sér plötuspilara og farinn að stúdera danstónlist mikið. Næstu 6 árin var hann að vinna í hljóðblöndun ofl. tengt tölvum og hljóði.

DJ ferillinn hans hófst hins vegar fyrir alvöru þegar hann tók upp mix disk eftir sig og sendi hann til 100 manns sem hann þekkti einfaldlega ekki neitt. Hann hafði uppá hinum og þessum nöfnum í tónlistargeiranum, áhugafólks um danstónlist og þessi eini diskur kom honum á kortið í bransanum.

Það liðu aðeins nokkrir mánuðir þangað til þessi sami diskur var kominn í dreifingu út um allan heim. Stórir "pródúserar" og umboðsmenn í tónlistargeiranum voru búnir að taka eftir þessum unga snillingi og komu sér í samband við hann. Strax í kjölfarið var kappinn farinn að spila á klúbbum og tónlistarhátíðum út um allan heim.

Seinnihluta árs 2001 stofnaði hann síðan umboðsskrifstofuna Symphonic ásamt vini sínum og þá fyrst fóru hjólin að snúast. Þarna var hann farinn að spila á flottustu klúbbum veraldar helgi eftir helgi og spilaði reglulega á þekktum klúbbum & partíum. Þau þekktustu eru Cream, Renaissance, Gatecrasher, og Glastunbury hátíðinni. Þetta sama ár buðu Deep Dish honum með sér á túr um Bandaríkin. Í kjölfarið gaf hann síðan út hinn vinsæla disk "In House We Trust" hjá Yoshitoshi útgáfunni sem er einmitt í eigu þeirra Deep Dish bræðra.

Árið 2003 sló kappinn svo svokallað "tour" met innan DJ geirans þar sem hann spilaði á 80 mismundandi klúbbum á aðeins 100 dögum!

Eftir þessa miklu keyrslu og spilerí var kappinn orðinn sjóðandi heitur og þekktur út um allan heim. Hann stofnaði síðan útgáfu fyrirtæki sem kallast Alternative Route og á hann það ennþá í dag. Síðan stofnaði hann annað útgáfu fyrirtæki sem allir þekkja og það er plötuútgáfan "Sex on Wax"

Árið 2004 bauð John Digweed honum með sér á "end of summer" heimstúr. Sama ár var hann í úrslitum um Essential mix of the year sem BBC útvapstöðin stendur fyrir ár hvert.

Síðastliðið sumar var hann að túra um heiminn með Sander Kleinenberg og kom margoft fram á sviði með Sasha. Einnig hefur hann "bootlegað" lög eftir Yellow, Blondie, The Eurythmics, Bítlana, Depeche Mode og James Brown, svo einhverjir séu nefndir.

Á undan Desyn spilar DJ Leibbi sem hefur verið að spila hér á íslandi sl. 15 ár og er einn af reyndustu house plötusnúðum landsins. Einnig munu stjórnendur útvarpsþáttarins Flex, þeir Ghozt og Brunhein koma fram.

Húsið opnar kl. 00:30 og er áætlað að stjarna kvöldsins stígi á svið um kl. 1:30, þannig að það er mælt með að fólk mæti snemma!

Forsala byrjar föstudaginn 10. nóvember í 12 tónum Skólavörðustíg, miðaverð verður 1500 kr og það verður takmarkað miðaupplag í boði!

http://www.flex.is

http://www.desynmasiello.com

http://www.myspace.com/myflexmusic