Repúblikanar halda enn meirihluta í öldungadeild en mjótt er á munum

Demókratar hafa unnið þrjú af þeim sex öldungardeildarsætum sem þeir þurfa til að ná meirihluta í deildinni: í Pennsylvaníu, Rhode Island og Ohio. Einnig ná þeir að halda þeim sætum sem repúblikanar ógnuðu í New Jersey og Maryland. Mjótt er á mununum í Tennessee, Missouri og Virginíu, fylkjunum sem munu skera úr um hver fer með meirihlutann í öldungadeildinni.

Repúblikanar leiða í þessum þremur fylkjum þar sem enn er talið. Lokatalna er ekki að vænta fyrr en eftir nokkra klukkutíma.