Ómþýður kærleikur 30. nóvember 2006 14:15 Vel heppnaðir tónleikar þar sem innlifunin og léttleikinn skína í gegn. Sálin og Gospelkórinn smellpassa saman. Hljómsveitin Sálin hans Jóns míns hefur verið dugleg við að prófa nýja hluti á undanförnum árum. Hún samdi lög við söngleikinn Sól og Mána sem var fluttur í Borgarleikhúsinu, spilaði með Sinfóníuhljómsveit Íslands og næst var röðin komin að tónleikum með Gospelkór Reykjavíkur. Sumir hafa undrast þessa nýjungagirni Sálarinnar en það er vel skiljanlegt þegar hljómsveit sem hefur starfað svo lengi leiti nýrra leiða til að halda sér og aðdáendum sínum á tánum. Á gospeltónleikunum í Laugardalshöll spiluðu hvítklæddir Sálarliðar flest af sínum þekktustu ástarlögum með aðstoð Gospelkórsins, stjórnanda hans Óskars Einarssonar, og fjögurra aðstoðarhljóðfæraleikara. Lagt var upp með að flytja texta þar sem kærleikurinn væri í fyrirrúmi enda kórinn þekktur fyrir trúarlegan söng sinn. Lög á borð við Ekkert breytir því, Getur verið?, Hjá þér, Lestin er að fara, Þú fullkomnar mig, Svarið er já og Aldrei liðið betur fengu öll að hljóma á sinn ómþýða hátt á tónleikunum sem heppnuðust afar vel. Fékk kórinn sérstaklega vel að njóta sín í fyrstnefnda laginu. Þannig eru flest lögin á plötunni fín þó svo að inn á milli leynist lakari lög á borð við Sól um nótt og Flæði. Það fer Sálinni betur að spila með Gospelkórnum heldur en Sinfóníuhljómsveitinni enda á sveitin uppruna sinn í sálartónlist sem hefur jafnan átt góða samleið með gospeli. Þó svo að sinfóníutónleikarnir hafi verið ágætlega heppnaðir virðist sveitin finna sig betur með kórnum og innlifunin og léttleikinn virðast meiri. Minna gospeltónleikarnir þannig meira á hin hefðbundnu Sálarböll sem sveitin er svo þekkt fyrir. Freyr Bjarnason Menning Mest lesið Skoðanabræður hætta göngu sinni: „Takk fyrir okkur“ Lífið „Stundum finnst mér hún vera farin þó hún sé enn á lífi“ Lífið Menningarperlan aftur komin í sitt gamla horf Lífið Hvetur fólk til að taka sjálfu með „þessu glæsiklofi“ Lífið Hermína sem missti folald og móðurlaus Tígull fundu hvort annað Lífið Fann ástina á Balí en nýtur hennar í Kóreu Lífið „Þarna fylltist hjartað af hamingju“ Lífið Myndasyrpa úr Eyjum: „Út með kassann og áfram gakk“ Lífið Robert Wilson er látinn Lífið Krakkatían: Litla hafmeyjan, Pollapönk og lundar Lífið Fleiri fréttir „Öll dýrin í skóginum voru vinir“ Úr kjallaranum hjá mömmu yfir á stóra sviðið Opnar sig um stormasamt hjónaband á nýju plötunni Borgin býður í tívolíveislu Dylan leggur blátt símabann á tónleikagesti „Gerum allt fyrir konurnar í okkar lífi“ Quarashi á Lopapeysunni: „Við erum synir Akraness“ „Svo leiðinlegt að pæla hvað öðru fólki finnst“ Forsala á Kaleo seldist upp á innan við mínútu Sjá meira
Hljómsveitin Sálin hans Jóns míns hefur verið dugleg við að prófa nýja hluti á undanförnum árum. Hún samdi lög við söngleikinn Sól og Mána sem var fluttur í Borgarleikhúsinu, spilaði með Sinfóníuhljómsveit Íslands og næst var röðin komin að tónleikum með Gospelkór Reykjavíkur. Sumir hafa undrast þessa nýjungagirni Sálarinnar en það er vel skiljanlegt þegar hljómsveit sem hefur starfað svo lengi leiti nýrra leiða til að halda sér og aðdáendum sínum á tánum. Á gospeltónleikunum í Laugardalshöll spiluðu hvítklæddir Sálarliðar flest af sínum þekktustu ástarlögum með aðstoð Gospelkórsins, stjórnanda hans Óskars Einarssonar, og fjögurra aðstoðarhljóðfæraleikara. Lagt var upp með að flytja texta þar sem kærleikurinn væri í fyrirrúmi enda kórinn þekktur fyrir trúarlegan söng sinn. Lög á borð við Ekkert breytir því, Getur verið?, Hjá þér, Lestin er að fara, Þú fullkomnar mig, Svarið er já og Aldrei liðið betur fengu öll að hljóma á sinn ómþýða hátt á tónleikunum sem heppnuðust afar vel. Fékk kórinn sérstaklega vel að njóta sín í fyrstnefnda laginu. Þannig eru flest lögin á plötunni fín þó svo að inn á milli leynist lakari lög á borð við Sól um nótt og Flæði. Það fer Sálinni betur að spila með Gospelkórnum heldur en Sinfóníuhljómsveitinni enda á sveitin uppruna sinn í sálartónlist sem hefur jafnan átt góða samleið með gospeli. Þó svo að sinfóníutónleikarnir hafi verið ágætlega heppnaðir virðist sveitin finna sig betur með kórnum og innlifunin og léttleikinn virðast meiri. Minna gospeltónleikarnir þannig meira á hin hefðbundnu Sálarböll sem sveitin er svo þekkt fyrir. Freyr Bjarnason
Menning Mest lesið Skoðanabræður hætta göngu sinni: „Takk fyrir okkur“ Lífið „Stundum finnst mér hún vera farin þó hún sé enn á lífi“ Lífið Menningarperlan aftur komin í sitt gamla horf Lífið Hvetur fólk til að taka sjálfu með „þessu glæsiklofi“ Lífið Hermína sem missti folald og móðurlaus Tígull fundu hvort annað Lífið Fann ástina á Balí en nýtur hennar í Kóreu Lífið „Þarna fylltist hjartað af hamingju“ Lífið Myndasyrpa úr Eyjum: „Út með kassann og áfram gakk“ Lífið Robert Wilson er látinn Lífið Krakkatían: Litla hafmeyjan, Pollapönk og lundar Lífið Fleiri fréttir „Öll dýrin í skóginum voru vinir“ Úr kjallaranum hjá mömmu yfir á stóra sviðið Opnar sig um stormasamt hjónaband á nýju plötunni Borgin býður í tívolíveislu Dylan leggur blátt símabann á tónleikagesti „Gerum allt fyrir konurnar í okkar lífi“ Quarashi á Lopapeysunni: „Við erum synir Akraness“ „Svo leiðinlegt að pæla hvað öðru fólki finnst“ Forsala á Kaleo seldist upp á innan við mínútu Sjá meira